கர்நாடகா மாநிலம் மகதி அருள்மிகு ஶ்ரீசோமேஸ்வரர் திருக்கோயில்
இந்த திருத்தலம் கர்நாடக மாநிலத்தில் பெங்களூரூவிலிருந்து 45 கி.மீ. தூரத்தில் மகதி எனுமிடத்தில் அமைந்துள்ளது.
சோலூர் 18 கி.மீ.தூரம் யஷ்வந்த்பூர் 50 கி.மீ.தூரம் பேரூந்து வசதி தனியார் வாகன வசதி உள்ளது.
இறைவன் திருநாமம் : ஶ்ரீசோமேஸ்வரர்சுவாமி
இறைவி திருநாமம் : ஶ்ரீபார்வதிதேவி
மிகப் பெரிய நிலப்பரப்பில் நிறைய மண்டபங்களுடன் இத்திருக்கோயில் நிர்மானிக்கபபட்டுள்ளது. மண்டபங்கள் சிலது முகலாயர் படையெடுப்பில் இடிக்கப்பட்டுள்ளது. இந்திய தொல்பொருள் ஆராய்ச்சி நிறுவனத்தின் கீழ் உள்ள கோயிலில் பழுது நீக்கப்பட்டு பராமரிக்கப்படுகிறது. நான்கு பக்கங்களிலும் நான்கு கோபுரங்கள் நிறுவப்பட்டுள்ளது. சிற்பக்கலை கோயில் மண்டபங்களிலும் சுவர்களிலும் அருமையாக உள்ளது.
3 அடி உயரமான மூலவர் திருமேனியில் ஶ்ரீசோமேஸ்வரர் சுவாமி அருள் புரிகிறார். எதிரில் மண்டபத்தில் நந்திகேஸ்வர சுவாமியை காணலாம்.
5 அடி உயரத்தில் ஶ்ரீபார்வதிதேவி மூலவருக்கு பக்கத்து சன்னதியில் அருள்பாலிக்கிறாள்.
ஶ்ரீசத்யநாராயண சுவாமியும் இத்திருத்தலத்தில் பக்தர்களுக்கு அருள்பாலிக்கிறார்.
தரிசன நேரம் :
காலை 9 மணி முதல் 12 வரை
மாலை 6 மணி முதல் 8 மணி வரையும்
சனி, ஞாயிறு கிழமைகளிலும் விசேட நாட்களில்
6 மணி முதல் இரவு 8 மணி வரை.
ஸ்ரீபாஸ்கராச்சாரியார் அருளிய ஸ்ரீசிவாஷ்டகம்
3) ஸம்ஸார மாயா ஜலதி ப்ரவாஹ
ஸம்மக்ன முதபிராந்த மசாந்த சித்தம் l
த்வத்பாத ஸேவா விமுகம் ஸகாமம்
ஸுதுர்ஜனம் மாம் சிவ பாஹி சம்போ ll
சம்சாரம் என்னும் மாயா சமுத்திரத்தின் பெருக்கில் மூழ்கிக் கிடப்பவனும் சுழல்களில் உழல்பவனும் அமைதியற்றவனும், உன் பாத சேவையில் ஈடுபடுபடாதவனும் எல்லா ஆசைகளும் உள்ளவனம் மிகத் தீயவனான என்னை
அழிவற்ற சுகத்தின் இருப்பிடமான சிவமே ரக்ஷியுங்கள்.
ஓம் நமோ நமசிவாய.
கருத்துகள்